ដំណើរកំសាន្តជាគ្រួសារ មាន ប៉ា ម៉ែ ចែលី នឹង ក្មួយលីអេង ក្មួយហ្គេចសុីង គីម សោរ ក្មួយគីមប៉។
គាត់បានព្រលានឆាងជី នៅម៉ោង ប្រាំពីរកន្លះ ហាហា ខ្ញុំគាត់ទាំងអស់គ្នាចាំនៅច្រកទី២២ ខ្ញុំដើរទៅដើរមកនៅមើលគាត់មិនឃើញ ពេលដើរថយក្រោយ ទើបឃើញគាត់។ ពេលឃើញម៉ែនិងប៉ា ខ្ញុំសឹងតែទប់ទឹកភ្នែកមិនចង់បាន ព្រោះពេលនេះខ្ញុំឃើញថា រូបរាងកាយរបស់អ្នកទាំងពីរ កាន់តែចាស់ហើយ។ ចំណែកក្មួយគីម អីលូវធំហើយ កាលពីប្រាំបីខែមុន ខ្ញុំបានរូបជាមួយនៅព្រលាន គីមប៉មិនសូវតាមអ្នកផ្សេងហើយតែងតែយំ ខ្ញុំបានដាក់ឈ្មោះអោយគេថា ជួបយំ ហាហាតែអីលូវគេក្លាយជាក្មេងដែលសប្បាយ ខ្ញុំឈ្មោះគេថាជួបសើច ហាហា។ តែពេលខ្លះ ខ្ញុំមានអារម្មណ៍ថា អានិតក្មួយហ្គេចសុីង ព្រោះគេមិនសូវចេះនិយាយ ដោយចែលីនិង នឹងរវល់និងមុខរបរ មិនសូវបាននាំកូននិយាយ។ ខ្ញុំខ្លាចពេលគេធំទ្បើងគេនឹងក្លាយជាមនុស្សឯកា ព្រោះគេចូលធ្វើអ្វីម្នាក់ឯង។
ខ្ញុំនាំពួកគាត់ជិះ រថភ្លើងដើម្បីឆ្លងពីព្រលានទីមួយទៅព្រលានទី២។ ក្នុងព្រលាន យើងបានថតរូបជាច្រើន ខ្ញុំអាចមើលបានថា ប៉ាពិតជាស្រលាញ់ម៉ែ។ គាត់តែងតែចង់ថតរូបអោយម៉ែ និងថតរូបជាមួយម៉ែ។
ដំបូងប៉ាមិនចង់មកលេងទេ ដោយសារម៉ែមិនអាចទិញសំបុត្រយន្តហោះបាន ព្រោះលិខិតឆ្លងដែនគាត់កំពុង ស្ថិតស្ថានទូតញូហ្សែន។ ក្រោយពីដឹងថាលិខិតឆ្លងដែនបានភ្លាម គាត់បានទៅយកដោយផ្ទាល់ និងសំរេចចិត្តថាមកលេង សឹង្ហបុរី។
បន្ទាប់ពីចេញ ពីព្រលានយើងបានទៅញាុំបាយ នៅbugis ព្រោះខ្ញុំនាំ ប៉ានិងប្រុស ទៅកន្លែងគាត់ធ្លាប់បានទៅដល់ដើម្បី នឹងឃើញអនុស្សវរីយ៍ខ្លះ។ បន្ទាប់មកយើងបានទៅផ្ទះដែលខ្ញុំកំពុងស្នាក់នៅ ដើម្បីសំរាកនៅ Jurong East។
រូបភាពនៅក្នុងរថភ្លើង
16092017
គ្រប់គ្នារៀបរួចរាល់នៅម៉ោងប្រាំបួន កន្លះ យើងបានញុាំអាហារពេលព្រឹក នៅអាហារដ្ឋានជិតផ្ទះនៅJcube។ ហើយបានចេញដំណើរពីJurong East ទៅកាន់Raffle City ដើម្បីទៅលេងនៅរូបសំណាក់តោ។
គ្រាន់តែចេញពីស្ថានីយ៍ភ្លាម មានគេផ្សាយពាណិជ្ជកម្ម មានរូបគោ ហាហាក៏ហៅគ្នាថតរូបជាមួយគោ។ យើងបានថតរូបជុំគ្នា នៅរូបចំលាក់មួយនិយាយពីប្រវត្ថិរបស់ប្រទេសសឹង្ហបុរី។
យើងបានបន្តដំណើរ ទៅកាន់រូបសំណាក់តោ តែគេបានដាក់របាំងព្រោះ ប៉ុន្មានថ្ងៃនេះ មេឃរហូត។ សេចក្ដីសុខពេលដែល ខ្ញុំបានថតអោយអ្នកមានគុណទាំងពីរ ហើយឃើញនូវស្នាមញញឹមរបស់គាត់។
ហាហា នៅទីនោះ យើងចាំបន្តិចព្រោះលោកក្មួយគីមប៉ បត់ជើងធំ។ ក្រោយមកខ្ញុំមានបំណងនាំពួកគាត់កាត់ស្ពានដើម្បី ឆ្លងទៅលេងនៅអាគារទូក តែថ្ងៃនេះមានការប្រណាំងទ្បានF1។ ស្ពាននិងផ្លូវត្រូវបានបិទ។ យើងបានប្ដូរទិសដៅ ទៅលេងនៅSentosa។ ពេលនេះទាំងអស់គ្នា ឃ្លានហើយ យើងបាននាំគ្នាញុាំបាយនៅ food republic នៅស្ថានីយ៍ habourfront។
រូបភាពកាលពីជិះរថភ្លើងជាលើកដំបូងកាលពីបួនឆ្នាំមុនជាមួយប៉ា
រូបភាពប៉ាកាលពីបួនឆ្នាំមុន
រូបភាពsentosa បច្ចុប្បន្ន
ក្រោយពីសំរាកនៅឆ្នេរប្រហែល ពីរម៉ោង យើងបានចេញដំណើរកាន់Universal។ ដោយសារតាមផ្លូវមានកន្លែងត្រូវថតរូបច្រើន និងប៉ាចង់ទៅកំពូលភ្នំដើរចង់ឃើញ សឹង្ហបុរីពីលើ ដូចដែលគាត់ធ្លាប់ឃើញ យើងមិនបានដល់ Universal ។
យប់បន្តិច យើងបាននាំគ្នាជិះរថភ្លើង ទៅញុាំបាយនៅfood republic។ ពេលដែលខ្ញុំបានប្រាប់ប៉ាថាកន្លែងនេះគាត់ធ្លាប់មកដល់ តែគាត់មិនចាំទេ។ បន្ទាប់ពីញុាំរួចយើង បានជិះរថភ្លើងត្រលប់មកវិញ។
17092017
អារម្មណ៍ពេលព្រឹកពិតជាល្អ ពេលខ្ញុំប្រុស ដេកជីតក្មួយគីមប៉។ តាមពិតអារម្មណ៍ដែលឪពុកគេងជិតកូន ពេលឃើញហើយពិតជាមិនអាចពិណនាបានមែន។ ព្រឹកនេះយើងចេញដំណើរនៅម៉ោង១០ ហើយជិតផ្ទះ ដោយនៅជិះនោះមានទោង និងកន្លែងយើងក៏បានឈប់បន្តិចដើម្បីអោយ ហ្គេចសុីងនិងគិមប៉លេង។
ថ្ងៃនេះយើង ចេញដំណើរទៅទល់ដែនប្រទេសម៉ាទ្បេសុី ដោយចេញពី ស្ថានីយ៍Jurong East ទៅស្ថានីយ៍ Kanji រួចទ្បើងទ្បានក្រុង លេខ១៧០ ដើម្បីវាយលិខិតឆ្លងដែនចេញពីសឹង្ហបុរី រួចទ្បើងទ្បានក្រុងទៅវាយលិខិតឆ្លងដែនចូលទៅម៉ាទ្បេសុី។
រថភ្លើងទៅទល់ដែន
ពេលឆ្លងចូលប្រទេសម៉ាទ្បេសុី លិខិតឆ្្លងដែនចែលី និងហ្គេចសុីមានបញ្ហា ព្រោះគាត់ធ្វើអោយទទឹក។ ពេលនេះទើបខ្ញុំដឹងឈ្មោះពិត របស់ក្មួយហ្គេចសុី ហាហាគឺ ទ្បេងលីគ័ង។ បន្ទាប់មកយើងបានដើរលេងក្នុងផ្សារដោយទិញស្វាយ នៅទីពិតជាឆ្ងាញ់ ដូចនៅខ្មែរដែរជាមួយអំបិល ហាហាលូវឃ្លានទៀតហើយ។ យើងបានញុាំអាហារថ្ងៃត្រង់នៅទីនោះ។
យើងដើរតាមផ្សារនៅទីនោះ ពេលនោះហ្គេចសុីវង្វេងផ្លូវយើងខំដើររក តែហ្គេចសុីមិនបានទៅណាទេ គេនៅចាំកន្លែងដែលយើងចុះចុងក្រោយ។ ពេលរកឃើញគេ ខ្ញុំអាចឃើញថាគេពិតជាភ័យ។ អ្វីដែលអាចធ្វើបានមានតែអង្គុយជិតគេហើយមិននិយាយលេង ហើយប្រាប់ចែលីថាកុំភ័យបើសិនជារកមិនឃើញយើងអាចមើលតាមកាម៉េរ៉ាបាន គាត់ក៏លែងសូវភ័យ។ យើងបន្តដំណើរទៅទៀត ពេលនេះគីមប៉សប្បាយចិត្តហើយព្រោះគេបានក្នើយថ្មីហាហា។
យើងបានត្រលប់មកសឹង្ហបុរីវិញ លិខិតឆ្លងដែន ចែលី ហ្គេចសុី និងនឹងមានបញ្ហាទៀត គេនាំគាត់ទៅការិល័យជិតមួយកន្លះ។ យើងចាំគាត់នៅខាងក្រៅ ហើយមានជនជាតិវៀតណាមពីរនាក់ប្ដី ប្រពន្ធនិងកូន បានមកសុំខ្ញុំនិយាយទូរសព្ទនិងផ្ញើរសារ ព្រោះ គាត់ត្រូវចាំប្អូនគាត់ដែលមានបញ្ហាឆ្លងដែនដែរ គាត់ប្រាប់ថាគាត់ចូលរួម មង្គលការប្អូន។ នេះជាលើកទីមួយដែលទូរសព្ទខ្ញុំផ្ញើសារជាភាសាវៀតណាម ហាហា។ ចែលីបានចេញមកក្រៅ បានត្រលប់មកស្ថានីយ៍នៅJurong East វិញដើម្បីញុាំបាយល្ងាច។ ដំបូងថាស្អែកនាំគ្នាទៅ ប្រទេសindonesia តែខ្លាចមានបញ្ហាទៀត ក៏មិនទៅវិញ។ យើងញុាំបាយនៅ Jam។ បន្ទាប់ពីញុាំហើយ មានកន្លែងសំរាប់ក្មេងលេង ក៏អោយគីមប៉ និងហ្គេចសីុង លេងសិន។មើលទៅគេដូចសប្បាយណាស់ ហាហា។
18092017
ដោយម្សិលមិញ យើងចេញដំណើរពីព្រឹក ដោយទៅកន្លែងក្មេងលេងសិន ហាហាពេលនេះលីអេងក៏លេងដែរ។
យើងញុាំអាហារពេលព្រឹក នៅJurong East យើងចេញដំណើរទៅ សួនបក្សី។
ខ្ញុំចូលចិត្តទេសភាពបៃតង ហាហា^^
បន្ទាប់ពីដើរមួយជុំ សួន យើងបានបន្តដំណើរទៅchina town។
រូបភាពញុំាបាយត្រង់នៅchina town មេឃកំពុងភ្លៀង
ចេញពីchina town យើងត្រលប់មកញុាំបាយល្ងាចនៅJam។ រួចនាំគ្នាទៅសំរាក គ្រប់គ្នា ហត់ហើយ។
ព្រឹកនេះ យើងមិនបានដើរលេងច្រើនទេ ព្រោះគាត់ត្រូវទ្បើងយន្តហោះ នៅល្ងាចនេះ។ យើងបានត្រឹមដើរទិញអីវ៉ាន់ជិតផ្ទះ ប៉ុណ្ណោះ។ ហើយយើងញុាំបាយថ្ងៃត្រង់នៅខាងក្រោមJcube។ រួចចេញដំណើរទៅព្រលាន។
ពេលចេញដំណើរតាមរថភ្លើង ខ្ញុំថានឹកពួកគាត់ទៅហើយ។ ខ្ញុំបានត្រឹមឈរមើលពួកគាត់ដើរចូលច្រកឆ្លងដែន។ ខ្ញុំពិតជាចង់ទៅជាមួយពួកគាត់។
